觀眾話得先係得！

我識得一個Designer，曾經同佢合作無間，對於佢o既Design，絕大部份我都幾欣賞，但總會遇上我覺得佢D野唔掂o既時侯......
佢永遠唔認唔得，試過好多次，我覺得唔得、客人覺得唔得、甚至觀眾覺得唔得，佢都唔認自己D野唔得。
我好討厭呢種自以為是o既「藝術家」！
我係一個唔認輸o既人，但係，「唔認輸」唔等如「唔認衰」。
我絕對認衰！
《教你呢D字》拍得衰到爆！我剪完又剪，剪完又剪...最後都係決定出一集睇下觀眾反應。
所以出左第一集，就算我已經剪好左第二集，我都唔再播出街。
讀書果陣，我成日諗，假如我拍D，有好多觀眾睇到，俾到意見，咁就無得頂啦！估唔到真係會有呢一日。
由此至終，我覺得我拍o既野，目標係為左服務觀眾，無觀眾，我絕唔會拍片自娛，因為有觀眾，我拍o既片先有價值，所以我一直等緊，乜都唔駛處理，每日拍片o既生活。
「藝術家」，觀眾話得先係得！