今日張其中一對Converse勁洗，一邊洗，我一邊諗，原來呢次係我咁大個仔第一次洗Converse......
到底有無人會洗Converse呢？
係咪多數人都會著到殘、著到舊，然後掉左佢換對新就算呢？
對鞋浸左半日，果桶黃禁禁o既水......好似尿！
又到一個月o既開始，總結上個月，LeeDeeForum流量多增加左4萬，而LeeDeeLive就跌左20萬...呵！
成個月掛住搞新公司o既野，無乜時間理個網站...
而LeeDeeForum就全靠Mr.叉電機撐場，見到佢o岩o岩轉左新環境工作，去到第二個埠咁遠，仲一樣咁勤力幫手頂住個Forum，而我一D都無關心過佢，諗落真係有D慚愧...
7月最大o既收獲，就係同兩個技術人員，傾到有關將LeeDeeLive轉營o既細節(雖然傾果陣因為亂泊車而食左張牛肉乾...)，希望佢地真係可以跟到進度，搞到D野出黎啦！我知道，假如今年我再唔轉營，好多網站就會爬過我頭架啦！
我差唔多2個月無拍過新片啦！唔係唔知要拍乜，而係，我對於拍自己單人表演，真係拍到好悶，我諗觀眾都睇到悶啦！所以呢，LeeDeeLive=Dean係死路一條！搞LeeDeeFamily就事在必行！
俾10個後生仔女我啦，我就有好多野可以拍架啦！